Послание прп. Иосифа Волоцкого архимандриту андронниковскому Митрофану (1503 г.)

9 сентября (22 сентября по н. ст.) в Церкви совершается память преставления прп. Иосифа, игумена Волоцкаго, чудотворца († 1515). Патриарх Алексий II отметил, что «Род Саниных, к которому принадлежал преподобный, явил удивительный пример христианского подвига. Среди ближайших его родственников насчитывается 18 мужских и женских монашеских имен. Два его родных брата были епископского достоинства. Это Ростовский архиепископ Вассиан и Тверской епископ Акакий. Два родных племянника Досифей и Вассиан (Топорковы), будучи иконописцами, совместно со знаменитым Дионисием, учеником преподобного Андрея Рублева, расписывали церковь Ферапонтова монастыря, а обитель, основанная преподобным Иосифом на Волоколамской земле, прославилась как крупнейший духовно-культурный центр Российского государства». По словам Президента России Дмитрия Медведева, «мощи преподобного Иосифа Волоцкого имеют огромную притягательную и чудотворную силу для каждого православного» (послание от 22.09.2008 г.).

Молитва преподобному Иосифу Волоцкому

О преблаженне и приснославне отче наш Иосифе! Ведуще твое велие к Богу дерзновение и к твоему твердому заступлению прибегающе, в сокрушении сердца молим тя: озари нас светом дарованныя тебе благодати и молитвами твоими помози нам бурное море жития сего преити безмятежно и пристанища спасения неблазненно достигнути: порабощени бо суще суетными, и грехолюбиви, и немощни еже от обышедших нас зол возникнути, к кому прибегнем, аще не к тебе, явившему неоскудеваемое богатство милости в земнем житии твоем? Веруем же, яко и по отшествии твоем множайшее стяжал еси дарование милосердовати бедствующим. Темже убо, припадающе ныне к цельбоносней иконе твоей, умиленно просим тя, святче Божий: сам искушен быв, помози и нам, искушаемым; постом и бдением поправый силу демонскую, и нас от нападений вражиих защити; препитавый гладом погибающих, и нам испроси у Господа изобилие плодов земных и вся яже ко спасению потребная; посрамивый еретическая мудрования, Церковь Святую от ересей и расколов, и смущений молитвами твоими огради: да тожде мудрствуем вси, единем сердцем славяще Святую, Единосущную, Животворящую и Нераздельную Троицу, Отца и Сына и Святаго Духа, во вся веки. Аминь.

Тропарь преподобному Иосифу, игумену Волоцкому, чудотворцу, глас 5:

Яко постников удобрение и отцев красоту, /
милости подателя, рассуждения светильника, /
вси вернии, сошедшеся, восхвалим /
кротости учителя и ересей посрамителя, /
премудраго Иосифа, Российскую звезду, /
молящася Господу //
помиловатися душам нашим.

Кондак преподобному Иосифу, игумену Волоцкому, чудотворцу, глас 8:

Жития треволнения, и мятеж мирский, /

и страстная взыграния в ничтоже вменив, /

пустынный гражданин показался еси, /

многих быв наставник, Иосифе преподобне, /

монахов собратель и молебник верен, чистоты рачитель, //

моли Христа Бога спастися душам нашим.
 
К дню памяти грозного обличителя ереси жидовствующих на Руси публикуется послание прп. Иосифа, игумена Волоцкаго, духовнику государя Ивана III Митрофану архимандриту Андроникова монастыря Митрофану, написанное в 1503-1504 гг. 

 

«Послание» прп. Иосифа великокняжескому духовнику Митрофану является наиболее ценным источником, характеризующим позицию самодержавной власти (Иван III) по отношению к ереси. «Послание» это было издано только раз (Чтения ОИДР, 1847, I) и совершенно неудовлетворительно. Часть текста «Послания» в этом издании пропущена («манихеи же или инии еретици... зело бо съвратися таковый»); признание Ивана III Иосифу «Иван, деи, Максимов и сноху и мене мою в жидовство свел» искажено (в неизвестной рукописи, по которой печатался текст или в самом издании) следующим образом: «Иван де и Максим и сноху у мене в жидовство свел». Эта ошибка издателей была отмечена уже Е. Голубинским (История русской церкви, т. II, перв. полов., М., 1900, стр. 574, прим. 2).]

«Послание Митрофану» сохранилось в тех же списках, что и «Послание Нифонту» (пространная редакция, кроме особого извода) и Вассиану, — см. их перечисление в археографическом введении к «Посланию Нифонту», списки №№ 1—20.

«Послание Митрофану» публикуется по списку БИЛ, Ротожск. № 530 (Я); разночтения и исправления — по списку ГПБ, F. I. 229 (Г).

* * *
Государя нашего великого князя Ивана Васильевича всея Руси духовнику, господину анхиманьдриту Андроникова манастыря Митрофану, грешный чернець Иосиф, нищий твой, господине, челом бью.

Коли, господине, был есмь на Москве, ино, господине, государь князь великий, Иван Васильевич всеа Руси, говорил со мною наедине о церковных делех. Да после того почял говорити о новогородцких еретикех, да молвил мне так: «И яз, деи, ведал новогородцких еретиков, и ты мя прости в том, а митрополит и владыки простили мя». И аз ему молъвил: «Государь! Мне тобя как пращати?». И он молвил: «Пожалуй, прости мя!». И яз ему молвил: «Государь! Только ся подвигнешь о нынешних еретикех, ино и в прежних тебе бог простит». Да туто же было мне ему бити челом о том, чтобы государь послал в Великий Новгород, да и в иные городы, да велел бы обыскати еретиков, и князь великий послал мя на дело.

Да после того, господине, государь князь великий възвал мя к себе, да почал говорити мне наедине духовъные дела. И яз ему почял бити челом, чтобы послал в Великий Новгород да и в иные городы, да велел бы обыскивати еретиков. И князь великий молвил: «Пригоже тому быти, а и яз, деи, ведал ереси их». Да и сказал ми, которую дръжал Алексей протопоп ересь, и которую ересь дръжал Феодор Курицин. «А Иван, деи, Максимов и сноху у мене мою в жидовство свел. А одно лично, деи, пошлю по всем городом, да велю обыскивати еретиков, да искоренити».

Да после того, господине, поехал есми с Москвы. А о том ми государю нелзя было бити челом, а что, господине, мне молъвил государь: «Митрополит де и владыки простили мя в том». Ино, господине, государю великому князю в том прощении нет ползы, кое словом прашаеться, а делом не покажеть[1] ревности о православной вере християнской, еретиков не велит обыскати. А ведаеть государь[2], каково злодейство еретическое, какову хулу глаголали на единороднаго сына божиа, на господа нашего Иисуса Христа, и на пречистую его матерь, и на вся святыа, и каково сквернение чинили над божествеными святыми церквами, явши[3] и пивши, и блудом сквернящеся, да того же дни и обедню служили, а святыа иконы и божественна и жвотворящиа кресты иныа огнем жьгли, а иныа в скверныа места пометали, а иные ламали, а иные топором разсекали, а иныя зубы кусали, как беснии пси. Ино, господине, тобе о том государю великому князю пригоже да и должно поминати. Будет государь во многих делех царских прозабыл того дела, ино, господине, ты не забуди, в том деле государя побреги, штобы на него божий гнев не пришел за то, да и на всю нашю землю. Занеже, господине, за государьское согрешение бог всю землю казнит.

Да лучило ми ся, господине, у великого князя хлеба ести, и он мя призвал, да почял спрашивати: «Како писано, нет ли греха еретиков казнити?». И яз почял говорити, что апостол Павел к евреем писал: «Аще хто отвръжется закона Моисеева при двою [4]или при трех[4] свидетелех[5], умирает; колми паче, иже сына божиа поправ и дух благодати укорив». Да по та места, господине, мне князь велики велел престати говорити.

И мне, господине, мнится, кое государь нашь князь великий блюдется греха казнити еретиков. Ино, господине, тобе пригоже государю поминати, каково имели подщание и ревность прьвии благочестивии царие о непорочней христианьстей вере и како еретиков по проклятии в заточение посылали, а иных казньми казнили. Вси благочестивии царие, кои были на седмих соборех[6], еретиков по проклятии в заточение посылали и казньми казнили, а иные[7] цари и на соборех не были, а еретиков казнили. Православный царь Ираклие повеление изложи по всему своему царству: аще жидовин не крестится, да убиен будет. Тако же и Омиритский царь Аврамие повеле убивати не хотевших креститися жидов. По тех же Устин и Тивирие благочестивии царие повелеша главу отсещи епарху Аддусу и Елеферию Самчию, поборником ереси. Феодора же царица и сын ея Михаил благочестивый Анния еретика, патриарха Констяньтина града, в заточение повеле послати и дати ему двесте ран ремением. Потом же вавилонскый царь Моавия, в светем крещении нареченый Иоан, его же крести святый Феодор, епископ Едесский, посла вь Едес повелением святаго Феодора и повеле несториан и иных еретиков из града изгнати, а манихеяном повеле языки из резывати; и много такова обрящеши в божественом писании. Боже ственая же правила повелевают, в еже о градских законех, сице: иже сподобившеися святаго крещениа, и отступлеше православныя[8] веры, и еретици бывше, или творящеи еллиньскиа жерътвы, конечней повинни суть муце; аще жидовин дрьзнет развратити христианьскую веру, главней повинен есть казни; манихеи же или инии еретици христиане бывше и потом начнут еретическая творити или мудръствовати, иже таковыа сведающе, не предающе их князем, конечней муце повинни суть; аще ли же хто, воевода или воин, или соньмища начялник, должни суть о сем пещися, егда хто будет еретическая мудрьствуя или творя, и аще увидевше не предадять его, аще и правоверии сами суть, конечную муку подоимут. И святый Иоан Златаусты глаголеть: «Иже еретиком приобщаяся в совете или в дружбе и в ядении[9] и в питии, и с ними осужение да приимет». Сице убо творяху благочестивии царие и святии отцы не от себе умысливше, но от апостольских писаний сие приимше. Глаголеть бо великий апостол Иван богослов: «Аще хто не исповедуеть Иисуса Христа бога, сей есть лестец и антихрист — таковаго в дом не приемлете. Приемля же таковаго в дом причящается делех его злых». И великий апостол Павел глаголеть: «Еретика человека отовращайся — зело бо съвратися таковый».

А коли, господине, бил есми челом великому князю на Москве о том, чтобы послал по городом, да еретиков обыскал, и князь великий молвил[10]: «Пошлю, деи, чяса того, да того обыщу; а толко, деи, яз не пошлю, да не попекуся о том, ино, деи, кому то зло искоренити?». И яз чяял — тогьдыже государь пошлеть; ино уже тому другой год от велика дни настал, а он государь не посылывал, а еретиков умножилося по всем городом, а хрестиянство православное гинет от их ересей. И только бы государь восхотел их искоренити, ин бы въскоре искоренил, поимав дву или трех еретиков, а оне всех скажют.

А ныне, господине, на тобе то дело лежит, занеже ты государю отець духовной. И ты, господине, подщися вседушно государю подокучити, оставив вся дела; занеже божие дело всех нужнее. А толко, господине, ты о том деле не попечешься, ни донесешь до великого князя, ино, господине, на тобе того бог взыщеть. Страшно бо есть еже впасти вруце бога жива! А толко, господине, попечешся всею силою, и ты государя ползуешь, а от господа бога и пречистые богородици милость приимешь. Да каково, господине, будет о том государьское попечение, и ты бы, господине, ко мне пожаловал отписал, и яз тобе, господину моему, челом бью.

Примечания

[1] Т поженет.
[2] Т государь сам.
[3] Т ядъше.
[4-4] Т и триех.
[5] Так Т; Р свидетелю.
[6] Так Т; Р съборе.
[7] Так Т; Р ные.
[8] Так Т; Р правоверный.
[9] Так Т; Р ядеи.
[10] Так Т; Р молвит.



См. также:
http://expertmus.livejournal.com/14841.html
http://expertmus.livejournal.com/14872.html

© Блог научного коллектива Музея имени Андрея Рублева.